المرحلة الثانية من تطوير اللغة الاردية .. بقلم| إسلام شحتة

فى المرحلة الاولى اتكلمنا كتير عن ان ازاى الطلب هو الى يطور من نفسه 

دلوقتى جه الوقت نتكلم عن المرحلة التانيه والى انا بخصصلها جزء كبيره منها تكون عن الدكتور المعلم فى الكليه ودوره فى تطوير الطالب 

فى البداية كده 

الواجب على كل دكتور 

عدم الاهمال فى توفير المعلومات الكافيه للطالب والا يبخل علي الطالب باى معلومات فى اللغه بحيث انها هتفيده وهترتقى بيه بس للاسف بنجد فى بعد الدكاتره الى من رحم ربى طبعا بيدرسوا ع قد ما يدرسوا بس اخرهم الاساسيات يعنى مفيش فنيات مفيش الحاجات المستخبيه الى الواحد بيقابلها بعد ما يعدى 4سنين كليه من عمره يكتشف ان فيه حاجات مثلا فى القواعد او الترجمه او الكلمات او الاشكال اول مره يشوفها مع انه درس 4 سنين جامعة بس للاسف الى كان بيدرس ده محاول انه يخرج كل المعلومات الى تخص للغه للطالب . علشان كده مفيش حد ف السوق كله يدرس اللغة الاردية مؤهل انه يشتغل مترجم ويرجعوا ف الاخر يقولك فيه شغل واحنا مش لاقيين حد يشتغل . طب بالعقل كده هنشتغل ازاى واحنا متاهلناش صح مخدناش كل المعلومات على الاقل الى هتفيدنا . ليه كل ده . تفتكر العيب ف مين ف الطالب ولا الدكتور 

طب لو الطالب بيذاكر وبيحاول يسعى انه ميسبش حاجه تفوته بس بردو الدكتور له دور كبير ف التأهيل واعتقد بردو ان كل دكتور كان بيساعده دكتور اكبر منه والى كان مدرس ليه . 

سؤال ممكن يطرح نفسه 

ليه معظم الدكاتره بتعتمد على الحفظ فى معظم الجامعات الى بيدرسوا اردو 

هل ده ممكن علشان الدكتور اتعود ع كده ف لازم الطلاب تعمل كده ولو معملتش كده هتاخد مقبول او هتسقط بس عمرك ما هتاخد امتياز حتى لو انت متفوق ف حاجات كتير بس الاعتماد على الحفظ خلى ناس كتير تروح ف داهيه 

طولنا ف حكاية الدكتور بس للاسف لسه فيه كلام اكتر من ده 

بس 

نيجى للطالب 

نصيحتى من الاخر كده اى دكتور تعرفه زن عليه متسبيوش مهما كان افضل وراه 

خرج منه المعلومه بالعافيه مينفعش غير كده ادام عاوز تتعلم متزهق خليك ورا الدكتور لحد ما يقولك المعلومه الى انت عاوزها ومش تيأس مهما كان حتى لو قالك لا صريحا كده بس هو شغلته يفيدك وانت شغلتك خليها زن عليه ههههههه متسبيوش ف حاله ابدا 

اخيرا وليس اخرا 

لو سمحتم يا دكاتره خلوا الطلبه جاهزين لسوق العمل كفايه بجد الشغل كتير عندكم انتو بس وانتو الى بتموتوا الطلبه 

لو سمحتم يا طلبة الاردو اسعوا كتير متيأسوش اشتغل ع نفسك وهتلاقى نفسك احسن من اى حد صدقنى بص انك ازاى تتقن اللغه مهما كان العواقب قدامك متتحججش انك مش بتدرس ف الجامعه اتعلم من اى مكان ومن اى حد حتى لو اصغر منى 

شكرا 

مستنى استفساراتكم والى عنده أى رأى حابب يدلى بيه المدونه مفتوحه لكل الناس 

شكرا مره تانيه لكل المتابعين 

إسلام شحتة: مدير قسم الترجمة في العين الإخبارية - ومترجم للغة الاردية والهندية