افغانستان دارالحکومت کابل میں ایک
خود کش بم بار نے اپنے آپ کو عسکری تربیت کے مرکز کے گیٹ کے نزدیک دھماکے سے اڑا دیا۔
حملے کے نتیجے میں کم از کم چھ افراد ہلاک اور نصف درجن زخمی ہو گئے۔
تفصیلات کے مطابق ایک سرکاری اہلکار
نے نام ظاہر نہ کرنے کی درخواست پر بتایا کہ خود کش حملہ آور کو کابل کے مغرب میں
واقع مارشل فہیم ملٹری اکیڈمی میں داخل ہونے سے روک دیا گیا تھا جس کے بعد اس نے
خود کو دھماکے سے اڑا دیا۔
دھماکا اس وقت ہوا جب طلبہ اکیڈمی سے
نکل کر واپس جا رہے تھے۔
مذکورہ اکیڈمی افغانستان میں عسکری تربیت کے مرکزی اداروں
میں سے ایک ہے۔
ادھردہشت گرد تنظیم داعش نے کابل شہر کی ایک عسکری جامعہ کے مرکزی
دروازے پر ہوئے ایک خودکش حملے کی ذمہ داری قبول کر لی ہے۔
اس گروہ کی جانب سے کہا گیا کہ افغان
فوج کے ایک اجتماع کو خودکش حملے کا نشانہ بنانے والا اس کا جنگجو تھا۔
واضح رہے کہ یہ دھماکا ایسے وقت میں
ہوا ہے جب افغانستان میں 18 برسوں سے جاری تنازع اور لڑائی ختم کرنے اور تصفیے کی
کوششوں کے سلسلے میں تحریک طالبان کے نمائندوں اور سینئر افغان سیاست دانوں کے درمیان
ماسکو میں ملاقاتیں ہو رہی ہیں۔
ليست هناك تعليقات:
إرسال تعليق