بسم الله الرحمن الرحيم
ف
البداية كده عاوزين نعرف ازاى نتعلم اردو . ازاى نتعلم اللغه دى وازاى كمان نحبها
وايه الى ممكن نعمله علشان يخلينا نرتقى باللغه وكمان الى بيدرها يحبها ومش يكرهها .
اولا
: علشان تتعلم اى لغه لازم يكون نفسك طويل مش هتعوم لا هههههه بس لازم يكون نفسك
وصبرك طويل اوى علشان تقدر تتعلم ابدا من الصفر حتى لو حسيت نفسك اتاخرت عن
الى معاك حتى لو عدت من عمرك سنه او اتنين المهم انك تكون عرفت انك لازم تبدا من
الاول علشان تقدر تحقق حاجه كانت تايهه عنك لازم تسعى ومتحاولش تقول انك مش عارف
ومش لاقى حد يوجههك شغل نفسك ابدا قول يارب وابدا ف العمل وانت هتلاقى الى هيساعدك
لوحده واحنا كمان موجود ف المنتدى لخدمة اى حد بيدرس اللغة الاردية ومش هنقصر لو
جيت وسئلتنا المهم انك تبدا ومش تياس وتخلى عندك امل انك هتنجح ف الى انت عاوزه
توصله مهما بلغ من صعوبه
.
سؤال
: ازاى تتعلم صح
علشان
تتعلم صح لازم حاجات معينه تمشى عليها اذا كنت مبتدا عاوز تبدا من الصفر لازم تعمل
الى هقوله ده وان شاء الله يكون فيه نتيجه ايجابيه
1/ علشان تبدا منا لصفر يبقى لازم تختار اسهل كتاب ممكن يبدا معاك
واسهل طريقه حتى لو هيا بسيطه اوى بس ابدا بيها دى الى هتشجعك وهتديك امل ان كل
حاجه سهله جداااا
2/ لما تبدا تشتغل ع نفسك وتذاكر من الكتب السهله الى تكون موجوده
معاك طبق مش تحفظ وبس لا لازم تطبق ع كل حاجه انت اخدتها سواء قاعده او كلمات
لازم تعمل جمل وكمان ممكن تعمل محادثات تقدر تستخدمها ف الحياه العامه
بتاعتنا بحيث انك مثلا تعمل زى مواضيع تعبير صغيره كده زى العربى كده بسيط وجمل
سهله ف البدايه نصيحه( كل ما الجمله تكون كبيره كل ما الخطأ بيكون كتير ) تانى
حاجه ممكن تعمل محادثات بين اى اتنين سهله وبسيطه بردو ف البدايه . ده كله بيدخل
تحت دايرة التطبيق على الى انت ذاكرته مذاكره صح مش اى كلام والتطبيق خير دليل ع
نجاحك وبردو احنا ف المنتدى لو جتلنا هنساعدك وكمان هنصححلك كل الى هتعمله المهم
تبدا
3/ بعد المرحتلين دول تبدا تخش ف مرحلة الترجمة ودى هتيجى لما تخلص
كل القواعد مذاكره وكمان تطبيق وبقيت تعرف كل قاعده لو قابلتك هتعرفها ازاى
وهتترجمها وكمان ايه الى بيستقدم فيها وايه الى مش بيستخدم هنا بقى هتكون وصلت
لمرحلة كويسه اوى من اللغه نبدا بترجمة اسهل نصوص ممكن تكون موجوده معاك سواء من
اردو لعربى او العكس نبدا باسهل نص ممكن تتخيله وبعد كده نبدا نعلى صعوبة النص
واحده واحده وتبدا تترجم وتشغل القاموس وتعرف ازاى تتعلم الترجمه الصح وتكون
الجمله وتكون صحيحه لان سعات بيكون فيه تراكيب كتير اوى بس كده تكون وصلت لمرحله
كبيره ف اللغة
والله
الموفق
السلام عليكم ورحمة الله وبركاته أخي الكريم. هل لديك صورة من كتاب "القواعد الأساسية لدراسة الأردية" إذ أنه لا سبيل لي للحصول عليه؟ أنا بحاجة إلى هذا الكتاب. كما أنني أريد أن أعرف ما هو أحسن قاموس يساعد على ترحمة الكلمات الأردية الأدبية إلى العربية؟ هل هناك قاموس شامل في هذا المضمار؟
ردحذف